Våningshuset - for organisasjonar og bedrifter som vil finne ro og tenke nytt

Våningshuset er eit unikt prosjekt som kombinerer historie, estetikk og draumen om å skape eit eige tilbod for bedrifter og organisasjonar på Hellerud gard utanfor Oslo. Gasta har utvikla ein ny visuell identitet, bidrege i merkevareprosessen og utvikla nettsida – alt med mål om å formidle sjela i prosjektet og inspirere til auka fokus på berekraft.

Logoen er enkel og moderne, og står i stil med logoen til Norges Vel. Fargepaletten er forankra i naturen og speglar att fargane huset er pussa opp med. Dette gir eit uttrykk som kombinerer det rustikke, det historiske og det ambisiøse.

Nettsida vaningshuset.no er rik på flotte bilete, noko som gjer ho både levande og informativ. Her kan ein lett bli kjent med prosjektet, følgje utviklinga og få eit innblikk i visjonane bak.

Takk for oppdraget, vi følgjer spent med vidare.