Merkevare og visuell identitet
Kjenner du at konkurrentane tek over marknaden?
At du ikkje når budsjetta dine?
Har du gjennomført oppkjøp eller gjort strategiske endringar?
Kanskje på tide å tenke på å fornye merkevara, den strategiske kommunikasjonen eller den visuelle identiteten?
Merkevarebygging i tre steg
Prosessen kan lett virke omfattande, men vi har lang erfaring med å gjere det enkelt. Vi legg vekt på effektive prosessar, skreddarsydde for små og mellomstore bedrifter og organisasjonar. Dette gjer vi i tre steg:
1. Merkevare - what, how, why?
Å bruke The Golden Circle av Simon Sinek som verktøy når vi jobber med merkevare, fungerer godt for oss i Gasta. Vi likar å jobbe effektivt og gjennomtenkt og har god erfaring med at denne modellen gjer prosessen med å finne merkevareidentiteten enklare.
I tillegg til å kna ut det grunnleggande i merkevaren, ser vi på målgruppar og posisjonering. Når vi har dette på plass, er vi klare for å gå til steg 2; historieforteljing og strategisk kommunikasjon.
-
I denne delen har vi god erfaring med at «Why, How, What»-modellen (Simon Sineks «Golden Circle»), er eit enkelt og effektivt verktøy for å finne identiteten. Vi startar med analysar, utnyttar AI-verktøy, gjer intervju og samlar inn eksisteranda data som er relevante. Så gjennomfører vi ein workshop med leiinga i bedrifta der vi fokuserer på:
What er det merkevara faktisk tilbyr: produkter, tenester, løysingar. Her er vi opptekne av kategorien merkevara skal konkurrere i. Kva rolle den skal ha, og ikkje minst kva er differensierande og kva er unikt med produktene eller tenestene?
How handlar om korleis merkevara leverar på sitt føremål. Kva gjer oss “unike” i vår måte å jobbe på?
Why er kjernen og skal definere kvifor merkevara eksisterar. Kva er drivkrafta? Og kva menneskelege behov eller verdiar skal merkevara appellere til?
Når vi har fått tak i what, how og why, set vi saman ein merkevareguide. Dette er eit enkelt dokument meint til internt bruk for å selje inn merkevara, verdiar, visjon etc. til dei tilsette. Når steg 2 er gjennomført, vil den strategiske kommunikasjonen også vere ein del av merkevareguiden.
2. Strategisk kommunikasjon
Folk kjøper ikkje berre eit produkt eller ei teneste, dei kjøper historiar, verdiar og identitet. Historieforteljing gjer merkevara levande, og får folk til å bry seg.
Når merkevara vert fortalt gjennom ei historie, eller ved bruk av strategisk kommunikasjon, blir det lettare å hugse og vidarefortelje.
Etter å ha jobba med steg 1, merkevare, målgruppar og posisjonering, har vi eit godt utgangspunkt for å jobbe fram ein strategisk kommunikasjon de er stolte av.
-
Vi meinar du bør få på plass eit merkeløfte (slagord) og eit strategisk manus:
Merkeløfte - kort setning (ofte kalla slagord) som forklarer kva løfte merkevara gir til kundar
Strategisk manus - også kalla merkevarehistoria eller brand story på engelsk
Desse står gjerne først på nettsida di, og er den forteljinga alle i organisasjonen fortel når de snakkar om deg.
Det gir ei tydeleg og samlande historie som bør gjennomsyre alt frå marknadsføring og rekruttering til kundeservice og produktutvikling.
Strategisk manus er ikkje faktaorientert, men formidlar verdiar. Du kjenner sikkert på at du lettare hugsar informasjon når den vert presentert i eit historieformat i staden for tørre data eller statistikk. Det strategiske manuset skal reflektere visjon og posisjon, men seie meir - og trigge interesse hos kunden.
I ein marknad full av støy og AI-generert innhald, har du ikkje lang tid til å fange interessa og skape tillit. Her krevst godt arbeid med ord og formuleringar, noko vi gjerne hjelper deg med.
3. Visuell identitet - logo, fargar og grafiske element
Når merkevaren er definert og strategisk kommunikasjon er på plass, gjeld det å omforme det til noko visuelt. Vi jobbar med logo, fargar, fontar og grafiske element som sikrar at merkevara di blir kommunisert godt og riktig.
Treng du også salsmateriell og malar som du sjølv kan vidareutvikle? Eller ein presentasjon som fortel den unike historia di? Vi gir form og farge til merkevara du fortener.
-
Kanskje du allereie har ein visuell identitet - eller kanskje du startar med blanke ark. Uansett køyrer vi ein prosess der vi mellom anna snakkar om assosiasjonar og kombinerer dette med verdiar og strategisk manus - som vi allereie har vore gjennom.
Vi utviklar forslag på logo, fargar og fontar - og etter korrekturrundar, landar vi og set opp ei digital profilhandbok.
Om ikkje du treng ei omfattande profilhandbok, likar vi å presentere profilen din på ein underside på nettsida di (www.xxx.no/profil). Slik har du alltid med deg logo og fargekodar, og kan sende link til samarbeidspartnarar som treng elementa. Vi kan legge inn instrukser og føringar her etter behov.
Prosjekt
HKS Oslo - Helsestasjon for kjønn og seksualitet
Rebranding for HKS Oslo (Oslo kommune) - frå underkommunisert chatteløysing til ein tydeleg og stolt kunnskapsportal med ny identitet.
Sogn Varme & Piperehabilitering
Rebranding, ny visuell identitet og nye nettsider har bidrege til omsetningsvekst og 100% vekst i driftsresultat.
Har du eit prosjekt du vil diskutere? Ta kontakt!
Astri Knudsen, dagleg leiar
astri@gasta.no
984 08 619
Vidar Bondevik, rådgivar
vidar@gasta.no
482 36 323
Ingvil Helle Hagen, digital marknadsførar
ingvild@gasta.no
928 81 906