<< Squarespace nettsider

Slik opprettar du Stripe-konto

For å kunne ta imot betaling med kort, Vipps og andre digitale løysingar på nettsida di, treng du ein Stripe-konto. Stripe er ein trygg, solid og mykje brukt betalingsløysing.

I denne guiden viser vi deg steg for steg:

  • korleis du opprettar ein Stripe-konto

  • aktiverer betalingar

  • og deler tilgang med Gasta, slik at vi kan setje opp betalingsløysinga for deg

Ta ein kopp kaffi, så er du ferdig før han blir kald ☕️
————————————————————————————————————————————————————————————————
Før du startar, er det lurt å ha dette tilgjengeleg:

Ei e-postadresse du brukar

  1. Mobiltelefon (Stripe likar å sende kodar)

  2. Bankkonto der pengane skal hamne

  3. Opplysningar om verksemda di:

    • Organisasjonsnummer (dersom du har)

    • Juridisk namn på bedrifta

    • Adresse

  4. Av og til må du også ha ID-dokument klart (pass, førarkort eller liknande)

Steg 1: Gå til Stripes registreringsside

  1. Opne nettlesaren

  2. Gå til:
    👉 https://dashboard.stripe.com/register

Steg 2: Opprett Stripe-konto

Fyll inn:

  • E-postadresse

  • Fullt namn

  • Eit sikkert passord (ikkje “123456”, vi ber deg)

Klikk Create account.

📩 Stripe sender deg ein e-post for stadfesting – hugs å bekrefte denne før du går vidare.

Steg 3: Aktiver betalingar i Stripe

Når du loggar inn i Stripe Dashboard for første gong:

  • Klikk Activate payments eller Start verification

  • Stripe opnar no eit skjema for aktivering av verksemda di

Dette er heilt normalt – og heilt nødvendig.

Steg 4: Vel land og kontotype

  • Vel Noreg som land.

  • Vel type konto: Bedrift (AS) eller Enkeltpersonføretak

Vel det som passar til verksemda di - Stripe likar at ting stemmer med Brønnøysund.

Steg 5: Fyll inn informasjon om verksemda

Stripe må vite kven dei sender pengar til (forståeleg nok).

Verksemdstype

  • Vel Company (eller tilsvarande for AS)

Bedriftsdetaljar

Fyll inn:

  • Juridisk firmanamn

  • Organisasjonsnummer

  • Offisiell adresse

  • Telefonnummer

  • Bransje

    • døme: E-commerce, Reiseliv, Tenester

  • Nettside

    • døme: //https://www.gasta.no/

Kontaktperson

Stripe krev éin ansvarleg person i selskapet:

  • Fullt namn

  • Fødselsdato

  • Bustadadresse

  • Rolle i selskapet

Vanlegvis dagleg leiar eller økonomiansvarleg.

Steg 6: Identitetsverifisering

For å aktivere betalingar må Stripe verifisere identiteten.

Du blir beden om å laste opp:

  • Pass, førarkort eller nasjonalt ID-kort

  • Eventuelt ei ansiktsbekrefting via mobil

Stripe forklarer dette undervegs.

Steg 7: Legg inn bankkonto for utbetalingar

No må Stripe vite kvar pengane skal:

  • Gå til Payout details

  • Legg inn kontonummer til bedrifta og IBAN

  • Namn på kontoeigar (likt som det som står på kontoen).

NB! Pengane går alltid direkte til dykk, ikkje via oss.

og skatteinformasjon

Stripe spør om grunnleggjande skatteinformasjon:

  • Følg vegvisaren

  • Kontroller og stadfest opplysningane

Dette er meir byråkratisk enn vanskeleg.

Steg 8: Aktiver ekstra sikkerheit

For å halde kontoen trygg:

  • Gå til Settings → Security

  • Slå på Two-Factor Authentication

Då treng du både passord og kode frå mobilen for å logge inn (Authenticator-app)
NB! Det kan også fort hende at Stripe tvingar deg til å aktivere ekstra sikkerheit.

Steg 9: Del Stripe-kontoen med Gasta

For at Gasta skal kunne kople Stripe til nettsida di og sikre at betalingane fungerer som dei skal, treng vi tilgang.

Steg 8.1: Gå til brukarar i Stripe

  1. Logg inn på https://dashboard.stripe.com

  2. Klikk Business Settings (tannhjul-ikonet)

  3. Vel Team eller Users

Steg 8.2: Inviter Gasta

  1. Klikk Add user / Invite user

  2. E-postadresse:
    📧 post@gasta.no

  3. Rolle:
    👉 Administrator

Dette gjer at vi kan setje opp betalingsløysinga korrekt – og hjelpe raskt om noko skulle stoppe opp.

Klikk Send invite.

Steg 8.3: Ferdig 🎉

Når invitasjonen er sendt og akseptert, er alt klart frå dykkar side.

Har du spørsmål undervegs? Send ein e-post til marianne@gasta.no